《細細個嗰一刻》－《默書》

《默書》

作者：十兄弟（若曦） 有一個教書嘅阿媽有一個壞處同一個好處。好處係，唔洗搵補習先生，放左學自然有人同你溫默書。壞處係，無論你幾點放學，洗唔洗返學，都有人要你溫默書！ 嗱！你地一定想話「阿媽同你溫默書，讀都讀到口乾，好辛苦！」你地錯啦！佢好醒！佢會將一篇課文讀一次，收錄係部收音機度，佢讀就讀一次，我默就默過百次。 默完？唔係岩晒？ 㩒個掣再默過啦？默到岩晒先或者有機會獲得雪糕幾啖（次次買完阿媽都話要孖分！）。 登登登！登登！登登！部雪糕車好黑人憎！次次都泊正係我溫緊書個窗口樓下，我住四樓，同佢隔唔遠，一路溫書一路睇住啲街坊買完一杯又一杯........ 「句號！」收音機說。 又默完一次。你估今次我要默多次，定終於可以食雪糕？ 你嘅成長過程當中，又遇到幾多次呢種令你覺得「天咁大」嘅null「句號！」